ياسمين عبدالعزيز عن العوضي : «قلبي واجعني بعد الطلاق والحقودين مش عايزين يشوفونا سوا»

كشفت الفنانة ياسمين عبدالعزيز، كواليس لأول مرة عن علاقتها بالفنان أحمد العوضي، وعن علاقتهما من بعد الانفصال.

وقالت ياسمين، خلال حلقتها مع الإعلامية إسعاد يونس، في برنامج «صاحبة السعادة»، عبر شاشة قناة «dmc»، عن العوضي: «أنا مع أحمد لما حبيته اكتشفت أني مكنتش بحب قبل كدا، والحب اللي قبل كدا أنا محبتش».

وتابعت ياسمين: «أحمد هو أول حب في حياتي، وأحمد هو حبي الحقيقي، ربنا موجود، وأنا عن نفسي عملت استخارة وعملت عمرة ودعيت ربنا، واللي ربنا رايده يكون، وربنا عايز يمشيني في أي طريق أنا راضية».

وأكملت ياسمين عن الأمر: «لأن ربنا شايف كل حاجة، وأنا وأحمد عارفين إننا بنحب بعض، وأحمد أقسم بالله مخانيش أبدًا».

وعن تدخل البعض بينهما ودفعهما إلى الانفصال قالت: «فيه ناس مؤذية، والجمهور والناس الحقيقيين اللي بتحبنا، هم اللي حابينا مع بعض، وفيه ناس شريرة بتسخن وتوقع وناس حقودين، وناس مش عارفين يعني إيه حب، ومحبوش ومش عارفين يعني إيه حب، وفيه ناس مؤذية».

2024-05-06T21:54:44Z dg43tfdfdgfd